Kanceri i gjirit zhvillohet në indet e gjirit si pasojë e ndarjes së parregullt të qelizave kur ato janë në procesin e dyfishimit. Kanceri i gjirit nuk është fatal nëse zbulohet gjatë fazave të para të zhvillimit përpara metastazimit dhe përhapjes në organet dhe indet e tjera rrethuese. Është forma më e përhapur e kancerit që prek femrat në mbarë botën. Në fakt prek të dyja gjinitë dhe është shkaku i 18.2% të vdekjeve që shkaktohen nga kanceri në mbarë botën. Metodat e identifikimit të kancerit të gjirit si mamografia dhe ekzaminimet në klinika janë më të përhapurat, por faktikisht posedojnë disa kufizime në diagnostikim dhe mund të arrijnë deri në 31% misidentifikim.
Një metodë e re e quajtur microRNA duket si zgjidhja më e mirë e tanishme për zbulimin e kancerit të gjirit përpara se të zhvillohet. MicroRNAs luajnë role të rëndësishme në shumë procese biologjike si edhe në fazat e disa sëmundjeve duke përfshirë kancerin. Prezenca e microRNAs në serum dhe plazmë i bën premtues kanditatët për zbulimin e kancerit. MicroRNAs janë ARN të shkurta jo-koduese, rreth 22 nukleotide të gjata, të cilat marrin pjesë pothuajse në të gjitha proceset biologjike. Një grup kërkuesish studiuan microRNAs që ishin sekretuar nga qeliza kanceroze të marra nga indi i gjirit, kampione të plazmës së njeriut dhe plazmes së miut PDX dhe analizuan përmbajtjen e ekzomës së tyre.
micrornaKërkuesit gjetën se disa microRNAs ishin në sasi shumë të larta në ekzomen e kancerit të gjirit. Një zbulim i rëndësishëm i këtij studimi ishte gjetja e microRNA-1246 në sasi shumë të larta në ekzomen e miut PDX të marrë nga plazma e tij. Ky observim tregon se microRNAs çlirohen në lëngjet e trupit dhe kjo mundëson shkencëtarët t’i përdorin si tregues për praninë e kancerit të gjirit.
Kërkuesit e vazhduan këtë eksperiment një hap më tutje dhe analizuan ekzomën e plazmes së 16 pacientave të diagnostikuar me kancer gjiri dhe i krahasuan me ekzomat e marra nga individë të shëndetshëm. Ky studim zbuloi se microRNA-1246 së bashku me microRNA-21 ishin të pranishme në nivele të konsiderueshme tek pacientet me kancer gjiri.
Këto rezultate na japin një zgjidhje të re për zbulimin e kancerit të gjirit përpara se ai të shndërrohet në kërcënim për jeten. MicroRNAs mund ta demaskojnë praninë e kancerit te gjirit duke analizuar praninë e tyre në lengjet e trupit dhe ne plazmë.
Gjithsesi, studime të tjera që testojnë këtë zbulim janë të nevojshme për tu siguruar për korrektësinë e microRNA si identifikues i kancerit të gjirit.
Referencat:
Hannafon BN, Sebastiani P, de las Morenas A, Lu J, Rosenberg CL. Expression of microRNA and their gene targets are dysregulated in preinvasive breast cancer. Breast Cancer Res. 2011.
Whittle JR, Lewis MT, Lindeman GJ, Visvader JE. Patient-derived xenograft models of breast cancer and their predictive power. Breast Cancer Res. 2015
Bethany N. Hannafon, Yvonne D. Trigoso, Cameron L. Calloway,Y. Daniel Zhao, David H. Lum, Alana L. Welm, Zhizhuang J. Zhao, Kenneth E. Blick, William C. Dooley and W. Q. Ding. Plasma exosome microRNAs are indicative of breast cancer. Breast Cancer Res. 2016
https://breast-cancer-research.biomedcentral.com/
Imazhet u moren nga:
http://www.nationalbreastcancer.org/
https://getsatisfaction.com/eternagame/topics/johan-s-microrna-lab/
marre nga; /http://wespeakscience.com/terapi-e-re-qe-parandalon-metastazen-e-kancerit-te-gjirit/